Ndryshojnë rregullat për vlerësimin e makinave gjatë zhdoganimit
Kilometrazhi dhe çmimet reale të publikuara në burime të specializuara mund të përdoren në përcaktimin e vlerës doganore të automjeteve.
Administrata Doganore Shqiptare ka publikuar më 18 shtator 2026 manualin e ri për procedurën e vlerësimit të automjeteve gjatë zhdoganimit.
Rregullat e reja zbatohen për automjetet e prodhuara gjatë 10 viteve të fundit, por vetëm në rastet kur vlera e tyre nuk mund të përcaktohet përmes metodës së transaksionit dhe metodave të tjera të parashikuara nga Kodi Doganor.
Një nga ndryshimet kryesore është përfshirja e numrit të kilometrave të përshkuara si element në përcaktimin e vlerës reale të automjetit. Në raste të caktuara mund të përdoren edhe çmime të publikuara në internet dhe në buletine të specializuara.
Administrata Doganore sqaron se manuali nuk ndryshon procedurën për automjetet e prodhuara më shumë se 10 vite më parë.
#Makina #Automjete #Tregti
Komentet
Hyr në llogari për të komentuar.
Ende pa komente. Bëhu i pari.
