Hyn në zbatim ligji për fshirjen e detyrimeve tatimore për bizneset në Shqipëri
Administrata Tatimore publikon procedurat dhe kategoritë që përfitojnë nga lehtësitë fiskale të vitit 2026.
Administrata Tatimore ka publikuar detajet për zbatimin e ligjit nr. 86/2025, i cili parashikon fshirjen, shuarjen dhe pagesën e detyrimeve tatimore për bizneset dhe tatimpaguesit në Shqipëri.
Sipas njoftimit zyrtar, subjektet që kanë detyrime tatimore të papaguara deri më 31 dhjetor 2014 do të përfitojnë nga fshirja e plotë e gjobave dhe kamatëvonesave, ndërsa për periudhën 2015–2019 parashikohen skema reduktimi të detyrimit principal nëse pagesat kryhen brenda afateve të përcaktuara.
Ligji parashikon gjithashtu faljen e gjobave për deklarime të vonuara, pasqyra financiare dhe disa kategori detyrimesh administrative deri më 31 dhjetor 2024. Administrata Tatimore njofton se listat e subjekteve përfituese do të publikohen elektronikisht përmes sistemit “e-Filing”.
Ekspertët e ekonomisë vlerësojnë se masat synojnë uljen e barrës fiskale për bizneset dhe formalizimin e mëtejshëm të tregut.
#financa
Komentet
Hyr në llogari për të komentuar.
Ende pa komente. Bëhu i pari.
